25.11.2024 | 21:16
Ադրբեջանն ու ՆԱՏՕ-ն համագործակցության հարցեր են քննարկել
ԱՄՆ-ն Ուկրաինային 275 մլն դոլարի ռազմական օգնության նոր փաթեթ կտրամադրի․ ԶԼՄ-ներ
Քաղաքականություն
28.10.2022 | 15:41
Պենտագոնն Ուկրաինային 275 մլն դոլարի ռազմական օգնության նոր փաթեթ է հատկացնելու՝ աջակցելու ռուսական զորքերի դուրսմղմանը երկրի հարավի առանցքային շրջաններից։ Այս մասին հայտնել են ամերիկյան լրատվամիջոցները՝ վկայակոչելով իրենց աղբյուրներին, գրում է BBC-ի ռուսական ծառայությունը։
AP գործակալությանը պաշտոնատար անձինք հայտարարել են, որ նոր փաթեթում, որի հատկացման մասին հայտարարվելու է ուրբաթ, նոր զինատեսակներ չկան, օգնությունը հիմնականում լինելու է արդեն իսկ մատակարարված սպառազինությունների, զինամթերքի պաշարների համալրմանը, այդ թվում՝ HIMARS հրթիռային համակարգերի, որոնք Ուկրաինան հաջողությամբ օգտագործում է իր հակահարձակումներում Ռուսաստանի դեմ։
CNN-ի լրագրողներին հարցմանն ի պատասխան մեկնաբանելով այս տեղեկությունը՝ Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին հայտնել է, որ Ուկրանիային ռազմական օգնության նոր փաթեթը «շատ շուտով» տրամադրվելու է։
Էմմա Չոբանյան
