21.04.2026 | 14:50
Մագյարը սպառնացել է պաշտոնանկ անել Հունգարիայի նախագահին, եթե նա հրաժարական չտա
Իսրայելի ՊՆ ղեկավարը վերջին տասնամյակում առաջին անգամ այցելել է Թուրքիա
Քաղաքականություն
27.10.2022 | 21:54
Թուրքիայի պաշտպանության նախարար Հուլուսի Աքարը հանդիպել է Իսրայելի պաշտպանության նախարար Բենի Գանցի հետ, գրում է Անադոլու գործակալությունը։
Նշվում է, որ Գանցի դիմավորման պաշտոնական արարողությունը տեղի է ունեցել Թուրքիայի ՊՆ-ում։ Գանցը ողջունել է թուրք զինվորներին և գրառում թողել Պատվավոր հյուրերի գրքում։
Այնուհետև երկու երկրների պաշտպանական գերատեսչությունների ղեկավարները բանակցություններ են անցկացրել նեղ ու ընդլայնված կազմերով։
Սա Իսրայելի պաշտպանության նախարարի՝ վերջին տասնամյակում առաջին այցն է Թուրքիա։ Ի դեպ, հոկտեմբերի սկզբին Գանցը այցելել էր նաև Ադրբեջան։
Հավելենք, որ Թուրքիան և Իսրայելը երկու երկրներում իրենց դեսպաններին արտաքսել էին 2018 թվականին, իսկ այս տարի օգոստոսին հայտարարեցին, որ վերականգնում են լիարժեք դիվանագիտական հարաբերություններն ու նոր դեսպանների են նշանակել։
Էմմա Չոբանյան
