Քաղաքականություն
27.10.2022 | 13:15
Ուկրաինայի հակահարձակումը Խերսոնի շրջանի հարավում դանդաղել է։ Դրա պատճառները կարող են լինել խոնավ եղանակը և տեղանքը, գրում է Euronews-ը: Նախագահ Վլադիմիր Զելենսկու խորհրդական Ալեքսեյ Արեստովիչի խոսքով, իրավիճակը Խերսոնի ուղղությամբ «փոխվում է Կիևի համար տհաճ ուղղությամբ»։ Այս մասին նա ասել է լրագրող Մարկ Ֆեյգինին տված հարցազրույցում։
«Այժմ տեղափոխվում ենք Խերսոնի ուղղությամբ․ այնտեղ (իրավիճակը) փոխվում է մեզ համար տհաճ ուղղությամբ։ Լրացուցիչ տեղակայվել են մոտ վեց գումարտակային մարտավարական խմբեր (ռուսական), ընդհանուր առմամբ նրանց թիվը հասնում է 30-ի կամ ավելի քան 30-ի։ Սա հսկայական ռազմական ուժ է, որը շատ ու շատ դժվար կլինի հենց այնպես ջարդել»,- ասել է Ուկրաինայի նախագահի խորհրդականը։
Չնայած դրան՝ Ուկրաինայի պաշտպանության նախարարը պնդում է, որ Ուկրաինայի զինված ուժերը շարունակում է ճնշում գործադրել ռուսական զորքերի վրա։
Այս տարածաշրջանը ռազմավարական նշանակություն ունի և օկուպացվել է հենց ռուսական ներխուժման սկզբից։
