09.09.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
2023-ից հետո ծնված երեխաների խնամքի նպաստ կստանան բոլորը՝ անկախ աշխատելու հանգամանքից և հաշվառման վայրից․ ՏԵՍԱՆՅՈՒԹ
Հասարակություն
27.10.2022 | 11:25
Հայաստանում ժողովրդագրական իրավիճակը բարելավելու համար 2023 թվականի հունվարի 1-ից մինչև 2 տարեկան երեխայի խնամքի նպաստ կստանան ոչ միայն գյուղաբնակ, այլև քաղաքաբնակ չաշխատող մայրերը՝ անկախ երեխայի մոր աշխատելու հանգամանքից։ Այս մասին «Մինչև 2 տարեկան երեխայի խնամքի նպաստ կնշանակվի ոչ միայն գյուղաբնակ, այլ նաև քաղաքաբնակ չաշխատող մայրերին. օրենսդրական փոփոխություններ»թեմայով ասուլիսում հայտարարեց Աշխատանքի և սոցիալական հարցերի նախարարության կենսաթոշակային ապահովության և այլ դրամական վճարների վարչության պետ Անահիտ Գալստյանը և ընդգծեց, որ Ազգային ժողովն արդեն իսկ ընդունել է համապատասխան օրենքի նախագիծը։
Ինչպես այժմ, այնպես էլ օրենսդրական փոփոխությունից հետո նպաստը կտրամադրվի մինչև երեխայի 2 տարեկանը լրանալու ամիսը ներառյալ։ Կվճարվի բացառապես անկանխիկ եղանակով ՝ բանկերի միջոցով ։
Բացառությունը գործում է միայն առաջին և երկրորդ խմբի հաշմանդամություն ունեցող մայրերի համար, որոնք գումարը կարող են ստանալ նաև կանխիկ եղանակով ։
«Երեխայի նպաստը նշանակվում է երեխայի ծննդյան 70 օրականը լրանալու ամսվան հաջորդող ամսվա 1-ից։ Մինչև երեխայի 1 տարին լրանալը ծնողը կարող է դիմել երեխայի խնամքի նպաստի համար և նրան հետադարձով կվճարեն նախորդ ամիսների համար։ Եթե ընտանիքում ծնվում են 1-ից ավելի երեխաներ, խնամքի նպաստը վճարվում է յուրաքանչյուր երեխայի համար առանձին»,- նշեց Գալստյանը։
Նրա խոսքով՝ այսօր, եթե վարձու աշխատող ծնողը չի գտնվում երեխայի խնամքի արձակուրդում, նա խնամքի նպաստ չի ստանում։ 2023 թվականից, եթե ծնողը կգնա աշխատանքի մինչև երեխայի 2 տարեկան դառնալը, միևնույն է, պետությունը նրան խնամքի նպաստ կվճարի ։
«Նոր փոփոխությամբ մենք խթանում ենք ծնողին վերադառնալ աշխատանքի։ Քանի որ եթե ծնողը մինչև երեխայի 2 տարին լրանալը վերադառնա իր աշխատանքին, երեխայի խնամքի նպաստը մի փոքր կբարձրանա»,-ասաց Գալստյանը։
Մանրամասները՝ տեսանյութում։
