25.11.2024 | 23:15
Միրզոյանը շնորհավորել է Վրաստանի ԱԳ նորանշանակ նախարարին
ԱՄՆ-ն հավատարիմ է Հայաստան-Ադրբեջան խաղաղ բանակցություններին․ Պետքարտուղարություն
Քաղաքականություն
27.10.2022 | 12:21
ԱՄՆ Պետքարտուղարության փոխխոսնակ Վեդանտ Փատելը ճեպազրույցում անդրադարձել է Հայաստանի ու Ադրբեջանի միջև բանակցություններին։ Լրագրողներից մեկը հետաքրքրվել է Պետքարտուղարության Կովկասի և տարածաշրջանային հակամարտությունների հարցերով գրասենյակի տնօրեն Մարկ Կամերոնի՝ հայ-ադրբեջանական սահման այցից՝ հարցնելով, թե արդյո՞ք այն անկախ առաքելություն է ԵՄ ու ԵԱՀԿ առաքելություններից։
«Մի փոքր հետ գնանք, պետքարտուղարն ընդգծել է ԱՄՆ-ը շփվում է, հավատարիմ է Հայաստան-Ադրբեջան խաղաղ բանակցություններին, և մենք խրախուսել ենք երկու առաջնորդներին հանդիպել ցանկացած ձևաչափով, որն առավել օգտակար է նրանց համար: Մեր տեսակետն այն է, որ ուղիղ երկխոսությունը առանցքային է խնդիրները լուծելու և կայուն խաղաղության հասնելու համար»,-ասել է նա։
Պետքարտուղարության պաշտոնյան նաև նշել է, որ Հարավային Կովկասի երեք երկրների ինքնիշխանությանն ու անկախությանը չկա ավելի մեծ աջակից, քան ԱՄՆ-ն է։
Էմմա Չոբանյան
