06.11.2024 | 09:38
Թրամփն առայժմ առաջատար է բոլոր յոթ տատանվող նահանգներում․ CNN-ը նախնական տվյալներ է հրապարակել
Մոսկվան ԱՄՆ-ին ծանուցել է միջուկային զորավարժություններ անցկացնելու մասին
Քաղաքականություն
26.10.2022 | 11:17
Ռուսաստանը ԱՄՆ-ին ծանուցել է իր միջուկային ուժերի ամենամյա պլանավորված զորավարժությունների անցկացման մասին։ Այս մասին երեքշաբթի հայտնել է Ջո Բայդենի վարչակազմը, գրում է VOA-ն:
Ըստ աղբյուրի՝ Ռուսաստանը հրթիռներ կարձակի իր ամենամյա ռազմավարական զորավարժությունների ընթացքում ․ Մոսկվան նախկինում «Գրոմ» զորավարժությունների ընթացքում միջմայրցամաքային բալիստիկ հրթիռներ է արձակել: Համաձայն Ռազմավարական սպառազինությունների կրճատման նոր պայմանագրի՝ Ռուսաստանը պարտավոր է նախապես տեղեկացնել Վաշինգտոնին բալիստիկ հրթիռների արձակման մասին, հայտարարել են Պենտագոնից։
«ԱՄՆ-ն ծանուցվել է, և, ինչպես մենք ավելի վաղ ընդգծել էինք, այս զորավարժությունները սովորաբար անցկացվում են Ռուսաստանի կողմից ամեն տարի», – ասել է Պենտագոնի խոսնակ Պատրիկ Ռայդերը պաշտպանության նախարարությունում կայացած ճեպազրույցի ժամանակ։ Ռայդերն այլ մանրամասներ չի հաղորդել:
Զորավարժությունները պոտենցիալ մարտահրավեր են Միացյալ Նահանգների և նրա դաշնակիցների համար․ Ռուսաստանի նախագահ Վլադիմիր Պուտինը Ուկրաինա ներխուժման ֆոնին չի բացառում միջուկային զենքի օգտագործման հնարավորությունը։
Երեքշաբթի օրը Ռուսաստանը նաև նամակ է ուղարկել ՄԱԿ-ի Անվտանգության խորհրուդ՝ մեղադրելով Ուկրաինային իր տարածքում «կեղտոտ ռումբ» կիրառելու նախապատրաստության մեջ։ Արևմտյան և ուկրաինացի պաշտոնյաները հերքել են այս պնդումները՝ դրանք անվանելով ապատեղեկատվություն և ռազմական գործողությունների սրման պատրվակ:
Տաթև Ֆռանգյան
