27.02.2026 | 23:01
Ադրբեջանում Բրիտանիայի դեսպանատունն արձագանքել է բրիտանական խորհրդարանում անցկացված Արցախի վերաբերյալ քննարկմանը
Գերմանիայի նախագահ Ֆրանկ-Վալտեր Շտայնմայերը ժամանել է Կիև
Քաղաքականություն
25.10.2022 | 11:48
Գերմանիայի նախագահ Ֆրանկ-Վալտեր Շտայնմայերը ժամանել է Կիև, հայտնում է DW-ն։ Այցի մասին նախապես չի հայտարարվել․ այս մոտեցումը կիրառվում է պատերազմի սկզբից ի վեր բոլոր դեպքերում, երբ եվրոպացի բարձրաստիճան պաշտոնյա է ժամանում Ուկրաինա։
«Իմ ուղերձն ուկրաինացիներին այն է, որ մենք ոչ միայն ձեր կողքին ենք․ մենք կշարունակենք աջակցել Ուկրաինային՝ տնտեսական, քաղաքական, և նաև ռազմական առումով։ Չմոռանանք, թե ինչ է նշանակում այս պատերազմը մարդկանց համար այստեղ՝ Ուկրաինայում: Որքան տառապանք, որքան ավերածություններ կան: Ուկրաինայում մարդիկ մեր կարիքն ունեն»,- ասել է Գերմանիայի նախագահը Կիև ժամանելուց հետո:
Շտայնմայերը բարդ հարաբերություններ ունի նախագահ Վլադիմիր Զելենսկու հետ, Ուկրաինայում շատերը նրան ռուսամետ քաղաքական գործիչ էին համարում, իսկ մի քանի ամիս առաջ նրան նույնիսկ ակնարկեցին, որ չեն ցանկանում տեսնել Կիևում։ Չնայած դրան, ինչպես հայտնում է ntv-ն, Շտայնմայերի հանդիպումը Զելենսկու հետ այս անգամ կկայանա։
Տաթև Ֆռանգյան
