27.02.2026 | 23:15
Իսրայելում ԱՄՆ դեսպանատունը թույլ է տվել իր աշխատակիցներին լքել երկիրը` Իրանին հնարավոր հարվածի ֆոնին
Ով կարող է դառնալ Մեծ Բրիտանիայի նոր վարչապետ․ Euronews
Քաղաքականություն
24.10.2022 | 16:12
Առաջիկա ժամերին Ռիշի Սունակը կարող է ավտոմատ կերպով դառնալ Մեծ Բրիտանիայի նոր վարչապետը՝ նրա հիմնական մրցակից Բորիս Ջոնսոնի՝ մրցապայքարին չմասնակցելու անսպասելի որոշումից հետո, գրում է Euronews-ը։
Թագավորության նախկին գանձապահն արդեն ստացել է առաջադրման համար անհրաժեշտ ավելի քան 100 պատգամավորների աջակցությունը։
Այժմ միայն Փեննի Մորդոնը կարող է խանգարել Սունակին վարչապետի պաշտոնը զբաղեցնել, սակայն նա, ըստ տեղեկությունների, դեռ հեռու է իր կուսակիցների բաղձալի 100 ձայնին հասնելուց։ Ստորագրությունների ներկայացման վերջնաժամկետն է Գրինվիչի ժամանակով 14:00-ն:
Բորիս Ջոնսոնի անսպասելի որոշումը՝ չմասնակցել վարչապետի աթոռի համար պայքարին, շատերին է զարմացրել։
Իր հայտարարության մեջ նա պնդել է, որ չնայած կողմնակիցների աջակցությանը՝ իր համար դժվար կլինի համախմբել պահպանողականներին խորհրդարանում։ Ուստի Ջոնսոնը որոշել է չվերադառնալ Դաունինգ սթրիթ 10։ Համենայն դեպս՝ ոչ հիմա։
Տաթև Ֆռանգյան
