08.06.2026 | 23:12
Երևանի և 8 մարզի մի շարք հասցեներում էլեկտրաէներգիաայի անջատումներ կլինեն
Ուկրաինայի ԶՈՒ-ն հաստատել է Խերսոնի Անտոնովսկի կամրջին հասցված հարվածի մասին տեղեկությունը
Քաղաքականություն
21.10.2022 | 15:14
Ուկրաինայի Զինված ուժերը հաստատել են, որ հարված են հասցրել Խերսոնի շրջանի Անտոնովսկի կամրջին։ Այս մասին հայտնել է «Հարավ» օպերատիվ հրամանատարության մամուլի քարտուղար Նատալյա Գումենյուկը, գրում է BBC-ի ռուսական ծառայությունը։
Ավելի վաղ Խերսոնի շրջանի օկուպացիոն իշխանությունները հայտնել էին, որ հարվածների հետևանքով 4 մարդ է զոհվել։ Ռուսական իշխանությունների ներկայացուցիչ Եկատերինա Գուբարևան ասել է, որ նրանցից երկուսը «Տավրիա» հեռուստաընկերության աշխատակիցներ են։ Սակայն մինչ այժմ նշվում է զոհերից մեկի անունը՝ ռուսական հեռուստաալիքների նախկին աշխատակից Օլեգ Կլոկով։
Ուկրաինայի ԶՈՒ-ն հայտնում է, որ Անտոնովսկի գնդակոծության ժամանակ այնտեղ խաղաղ բնակիչներ չէին կարող լինել, քանի որ տարածաշրջանում խիստ պարետային ժամ է սահմանվել։
«Ես բազմիցս ընդգծել եմ, որ մենք չենք հարվածում կարևոր ենթակառուցվածքներին, քաղաքացիական բնակավայրերին և տեղի բնակչությանը»,- հայտարարել է Գումենյուկը։
Էմմա Չոբանյան
