01.07.2026 | 12:10
ՍԴ-ն շարունակում է քննել քաղաքական ուժերի դիմումները // 9 վիրավոր Արարատում խոշոր վթարի հետևանքով․ ԼՈՒՐԵՐ
22․6 մլն եվրո վարկ՝ դպրոցներ ու մանկապարտեզներ կառուցելու համար․նախագիծը դրական եզրակացություն ստացավ․ ՏԵՍԱՆՅՈՒԹ
Հասարակություն
21.10.2022 | 11:21
ԱԺ Ֆինանսավարկային և բյուջետային հարցերի մշտական հանձնաժողովի նիստում քննարկվում է Հայաստանի Հանրապետության ու Վերակառուցման և զարգացման միջազգային բանկի միջև «Կրթության բարելավման ծրագրի լրացուցիչ ֆինանսավորում» վարկային համաձայնագիրը վավերացնելու մասին ՀՀ օրենքի նախագիծը։ Վարկային համաձայնագրով նախատեսվում է հատկացնել 22 600 000 եվրո:
Ներկայացնելով նախագիծը՝ ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանն ընդգծեց, որ նախագծով նախատեսվում է վավերացնել վերոնշյալ համաձայնագիրը, որը ստորագրվել է այս տարվա հունիսի 9-ին։
«Համաձայնագիրն անցել է անհրաժեշտ ընթացակարգերը նաև քննարկվել է Սահմանադրական դատարանում։ Հոկտեմբերի 4-ին ՍԴ-ից ստացվել է որոշում առ այն, որ համաձայնագիրը համապատասխանում է սահմանադրականությանը։
Այս ծրագրով նախատեսվում է ֆինանսական միջոցներ տրամադրել 4 ավագ դպրոցական շենքերի հիմնանորոգման համար և վերակառուցման համար։ Այս ծրագրի շրջանակներում 200 դպրոց կստանա անհարժեշտ լաբորատոր ենթակառուցվածքներ, ինչը շատ կարևոր է՝ հանրակրթության որակական փոփոխության տեսանկյունից։
Վարկային այս համաձայնագրով հաջորդ բաղադրիչը, որ նախատեսված է, ուղղված է նախադպրոցական կրթությանը։ Նախատեսվում է ստեղծել առնվազն 80 նախակրթարան։
Նաև նախատեսված է, որ բուհերը կստանան դրամաշնորհներ՝ իրականցնելու նորարարական ու զարգացման ծրագրեր։
Նախագծի վերջին բաղադրիչն ուղղված է կրթության կառավարման տեղեկատվական համակարգի կիրառության բարելավմանը»,- նշեց փոխնախարարը։
Նախագիծը հանձնաժողովում դրական եզրակացություն ստացավ։
Մանրամասները՝ տեսանյութում։
