09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Գյումրեցի քրեական հեղինակությունները կշարունակեն մնալ կալանքի տակ
Հասարակություն
21.10.2022 | 10:40
Շիրակի մարզի ընդհանուր իրավասության դատարանը երեկ մոտ 7 ժամ քննել է քրեական ենթամշակույթ կրող անձանց ու ու նրանց ստեղծած խմբավորմանն աջակցածների խափանման միջոցը։
Դատավոր Ռոման Սմբատյանը մերժել է քրեական հեղինակություն համարվող Սուրեն Ավետիսյանին (նա հայտնի է Պաշի տղա Սուրո Լեննականսկի մականվամբ) 137 միլիոն դրամի անշարժ գույքի գրավադրմամբ ազատ արձակելու՝ փաստաբանի միջնորդությունը։
Դատարանը մերժել է նաև Արտյոմ Ղազարյանին ՝ (նա հայտնի է Զապի եգան Արտյոմ Լեննականսկիի մականվամբ) 30 միլիոն դրամ գրավի դիմաց ազատ արձակելու՝ փաստաբանի միջնորդությունը։
Դատարանը չի փոխել նաև նրանց աջակցելու մեջ մեղադրվող Ցոլակ Գևորգյանի ու Կարեն Վարոսյանի խափանման միջոցները։
Հիշեցնենք, որ այս գործով 4 ամբաստանյալներ ազատ են արձակվել, նրանցից մեկը Գյումրիում կաթնամթերքի արտադրությամբ զբաղվող, ճանաչված գործարար Ռաֆիկ Իգիթյանն է, նրա որդին՝ Աշոտ Իգիթյանը, Էդմոն Գրիգորյանը, Վահան Տեր-Պողոսյանը։ Ամբաստանյալներից 4-ը կալանքի մեջ են։
Ըստ քրգործի՝ Պաշի տղա Սուրո Լեննականսկի մականվամբ հայտնի, քրեական աստիճանակարգության բարձրագույն կարգավիճակ ունեցող անձը քրեական ենթամշակույթ կրող խմբավորում է ստեղծել և ղեկավարել։ Նա հստակ դերաբաշխում է կատարել, քրգործով անցնող անձինք կատարել են նրա հանձնարարականները։
Արմիկ Մովսիսյան
