16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
ԱՄՆ Սենատի հանձնաժողովը նշում է, որ Թուրքիայում քաղաքական ձերբակալությունները դավաճանություն են ՆԱՏՕ-ի արժեքներին
Քաղաքականություն
20.10.2022 | 23:07
ԱՄՆ Սենատի արտաքին հարաբերությունների հանձնաժողովն իր անհամաձայնությունն է հայտնել Գյուլենի շարժման հետ ենթադրյալ կապերի պատճառով Թուրքիայում մոտ 600 մարդկանց զանգվածային ձերբակալության վերաբերյալ՝ նշելով, որ ձերբակալությունները դավաճանություն են ՆԱՏՕ-ի արժեքներին, որի անդամն է Թուրքիան։
«Երկաթե բռունցքով կառավարումը, որը Էրդողանը շարունակում է հետապնդել, ավելի համահունչ է Պուտինի և Սիի, քան ՆԱՏՕ-ի հետ։ Քաղաքական ձերբակալությունների այս վերջին ալիքը ևս մեկ վկայություն է այն մասին, որ ԱՄՆ-ը և այլ ժողովրդավարական երկրները պետք է պահանջեն Թուրքիայից դադարեցնել դավաճանությունը մեր դաշինքի հիմքում ընկած արժեքներին»,-ասվում է հանձնաժողովի թվիթերյան գրառման մեջ։
Հավելենք, որ թուրք դատախազները 704 մարդու նկատմամբ կալանքի հրաման են տվել․ 599 անձ ձերբակալվել է Գյուլենի հետևորդներից օգնություն ստանալու կամ արտերկրում թուրքական կառավարության կողմից բանտարկված անձանց ընտանիքներին նվիրատվություն բաժանելու համար։
Թուրքիայի կառավարությունը 2016թ․ հեղաշրջման փորձը կազմակերպելու մեջ մեղադրում է Գյուլենի կրոնական շարժմանը և նրան համարում է «ահաբեկչական կազմակերպություն»։ Շարժումը կտրականապես հերքում է հեղաշրջման փորձին իր մասնակցությունը։
Էմմա Չոբանյան
