16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Լիզ Թրասը հրաժարական է տվել Մեծ Բրիտանիայի վարչապետի պաշտոնից
Քաղաքականություն
20.10.2022 | 16:53
Մեծ Բրիտանիայի վարչապետ Լիզ Թրասը հայտարարել է, որ հրաժարական է տալիս։ BBC News-ի հաղորդմամբ՝ այս մասին նա հայտարարել է Դաունինգ սթրիթում ելույթի ժամանակ։
Թրասի խոսքով՝ տեղեկացրել է թագավորին, որ հրաժարական է տալիս Թորիների առաջնորդի պաշտոնից։
«Կլինեն Պահպանողականների ղեկավարության ընտրություններ, որոնք կավարտվեն հաջորդ շաբաթվա ընթացքում»,- ասել է նա։
Վարչապետը նախկինում խիստ քննադատության էր ենթարկվել իր հարկային նախաձեռնությունների համար՝ ստիպված լինելով փոխելով իր ֆինանսների նախարարին և չեղարկել հայտարարված բյուջետային ծրագրերը:
Պահպանողականների վարկանիշը վերջին շաբաթներին հասել է ռեկորդային ցածր մակարդակի Բրիտանիայում սոցիոլոգիական հետազոտությունների պատմության մեջ:
Լիզ Թրասը Պահպանողական կուսակցության ղեկավար և վարչապետ էր ընտրվել հինգ շաբաթ առաջ։
Տաթև Ֆռանգյան
