27.02.2026 | 13:18
Պաշտպանը Սեյրան Օհանյանի նկատմամբ քրեական հետապնդումը դադարեցնելու միջնորդություն ներկայացրեց. ՏԵՍԱՆՅՈՒԹ
Ֆրանսիայում վառելիքի դեֆիցիտի հետ կապված իրավիճակը բարելավվում է․ վարչապետ
Քաղաքականություն
19.10.2022 | 22:35
Ֆրանսիայում պարապուրդի մատնված լցակայանների թիվը նվազում է, վառելիքի հետ կապված իրավիճակը բարելավվում է։ Այս մասին հայտարարել է Ֆրանսիայի վարչապետ Էլիզաբեթ Բորնը, գրում է Inosmi-ն։
Վարչապետի խոսքով՝ Օ դը Ֆրանս տարածաշրջանի գազալցակայանների 55%-ը չի աշխատել, հիմա պարապուրդի մատնված լցակայանների թիվն ընդամենը 15% է։
«Ես կրկին կոչ եմ անում աշխատակիցներին (վերամշակման գործարանների)՝ վերսկսել աշխատանքը: Անընդունելի է փոքրամասնության համար «շրջափակել ամբողջ երկիրը»»,- ասել է Բորնը:
Ֆրանսիայում վառելիքի պակասուրդի են հանգեցրել բողոքի ցույցերը։
Սեպտեմբերի 27-ից Ֆրանսիայի նավթավերամշակման գործարաններում գործադուլներ են։ Ավելի ուշ երկրի խոշորագույն արհմիությունները լայնածավալ միջոլորտային գործադուլ են անցկացրել։ Ցույցի է դուրս եկել ավելի քան 100 հազար մարդ։ Դրանք տրանսպորտի, էներգետիկայի, կրթության և առողջապահության ոլորտի աշխատողներն են: Նրանք պահանջում են ավելի բարձր աշխատավարձ։
Տաթև Ֆռանգյան
