Քաղաքականություն
19.10.2022 | 16:25
Իրանի արտաքին գործերի նախարար Հոսեյն Ամիր Աբդոլլահիանը հայտարարել է, թե Թեհրանը պատասխան պատժամիջոցներ կկիրառի ԵՄ-ի դեմ, հայտնում է ISNA գործակալությունը։ Պատժամիջոցները վերաբերելու են 15 անհատի և 4 կազմակերպության։ Նախարարի խոսքով՝ ցանկում ներառված են այն կազմակերպություններն ու անհատները, որոնք դերակատարություն են ունեցել հակաիրանական պատժամիջոցների սահմանման գործում։
Ավելի վաղ հաղորդվել էր, որ Եվրահանձնաժողովը հոկտեմբերի 20-21-ը կայանալիք ԵՄ գագաթնաժողովում քննարկման կներկայացնի Իրանի դեմ նոր պատժամիջոցների նախագիծը՝ Ռուսաստանին անօդաչու սարքեր մատակարարելու համար։
