30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Պեսկովը հայտարարել է, որ մոբիլիզացիան ավարտելու հրամանագիր դեռ չի նախատեսվում
Քաղաքականություն
18.10.2022 | 14:35
ՌԴ նախագահի մամուլի խոսնակ Դմիտրի Պեսկովը հայտարարել է, որ Կրեմլում դեռ որոշում չեն ընդունել մասնակի մոբիլիզացիայի ավարտի մասին, գրում է Կոմերսանտը։
Նա նշել է, որ նախագահի կողմից հայտարարություն կամ հրաման այդ գործընթացի ավարտի մասին դեռ չի նախատեսվում։ Պեսկովի խոսքով՝ մոբիլիզացիայի տևողության համար պատասխանատու են շրջանների ղեկավարները։
«Դեռ նման որոշումներ չկան։ Յուրաքանչյուր շրջանի համար սահմանված են ցուցանիշներ։ Շրջանները նշում են, որ առաջադրանքը կատարված է։ Ինչ վերաբերում է նախագահական հրամանին, այն դեռ չկա, կտեղեկացնենք»,- ասել է Պեսկովը։
Նա նաև նշել է, որ պահանջվող զինծառայողների թվի ավելացում չի կարող լինել։ Մոբիլիզացվելու է մինչև 300,000 մարդ։ Ըստ Պեսկովի՝ մասնակի մոբիլիզացիայի գործընթացն «արդեն դադարեցվել է այն շրջաններում, որոնք այդ առաջադրանքը կատարել են»։
Հիշեցնենք, որ նախօրեին Սերգեյ Սոբյանինը հայտնել էր Մոսկվայում և Մոսկվայի մարզում մոբիլիզացիայի ավարտի մասին։
Էմմա Չոբանյան
