07.06.2026 | 22:11
Մի ընտրող եկավ, ասաց` ոչ մեկի չեմ ընտրելու, կտրոնը դրեց ծրարի մեջ, գցեց, գնաց. 8/20
Ամերիկյան նավթային հսկա Exxon Mobil-ը վերջնականապես լքել է ՌԴ-ն
Քաղաքականություն
18.10.2022 | 23:18
Ամերիկյան նավթային հսկա Exxon Mobil ընկերությունը վերջնականապես լքել է Ռուսաստանը «Սախալին-1» նախագծում նոր օպերատորի ստեղծումից հետո։ Այս մասին «Ինտերֆաքս»-ին հայտնել են ընկերության մամուլի ծառայությունից։
«Մենք բարեհաջող հեռացանք Ռուսաստանից օտարումից հետո։ Մեր առաջնահերթությունն է՝ լինել պատասխանատու օպերատոր՝ պաշտպանելով աշխատակիցներին, շրջական միջավայրը և «Սախալին-1»-ում գործողությունների ամբողջականությունը։ Երկու հրամանագրերով ռուսական կառավարությունը միակողմանի կերպով դադարեցրել է մեր շահերը «Սախալին-1»-ում և ծրագիրը փոխանցվել է ռուսական օպերատորի»,- ասվում է ընկերության հայտարարության մեջ։
Նշենք, որ ընկերությունն այդ նախագծում էր 1996 թվականից։
ՌԴ նախագահ Վլադիմիր Պուտինը հոկտեմբերի 7-ին ստորագրել էր թիվ 723 հրամանագիրը «Վառելիքի և էներգետիկայի ոլորտում լրացուցիչ հատուկ տնտեսական միջոցներ կիրառելու մասին»՝ կապված որոշ օտարերկրյա պետությունների և միջազգային կազմակերպությունների ոչ բարեկամական գործողությունների հետ։ Մեկ շաբաթ անց, այդ հրամանագրին համապատասխան, գրանցվել է «Սախալին-1» ՍՊԸ-ն, որի միակ գործադիր մարմինը «Սախալինմորնեֆտեգազ-Շելֆ»-ն է։
Էմմա Չոբանյան
