15.12.2025 | 19:13
Լուվրը ժամանակավորապես փակ է․ աշխատակիցները գործադուլ են սկսել
Ծիրանի մթերման գներից դժգոհ գյուղացիները փակել են Արմաշ-Երասխավանից Երևան տանող ճանապարհը
Հասարակություն
31.05.2018 | 15:45
Արարատի մարզի Արմաշ և Երասխավան համայնքների բնակիչները բողոքում են ծիրանի մթերման գնից և փակել են Երևան տանող ճանապարհը։ Մեզ հետ զրույցում, բողոքող գյուղացիներն ասացին, որ ամեն տարի նախապես գնացել են ու ծիրանի մթերման գին պայմանավորվել իրենց հետ, մինչդեռ այս տարի միայն օրերս մեծ բեռնատարներով գնացել են ու գյուղացիների առաջ պայման դրել:
«Մեզ ասում են միայն մի օր 500 դրամով կմեթերենք, հետո գինը կդառնա 200 դրամ, ուզում եք ուզեք, չէ՝ չենք տանի ձեր ապրանքը։ Մեր ապրանքը մնացել է, փոքր բեռնափոխադրողներին սպառնացել են, նրանք չեն մթերում ապրանքը։ Դիմել ենք կառավարությանը, գյուղապետին, սպասում ենք գան»,- ասացին ճանապարհը փակած գյուղացիները։
Նրանք պահանջում են, որպեսզի մթերման գինը բարձր լինի, գոնե 700 դրամ, հակառակ դեպքում իրենց մշակած բերքից օգուտ չեն քաղի։
