21.04.2026 | 20:43
Անցած տարվա ծնունդի նվերն է հեռուստացույցը, որը չէի կարողացել տալ. Գոհար Ղումաշյան. ՏԵՍԱՆՅՈՒԹ
Նիդեռլանդներն իր զազրանքն է արտահայտել հայ ռազմագերիների սպանության առթիվ. Հոլանդահայ կազմակերպությունների ֆեդերացիա
Քաղաքականություն
17.10.2022 | 21:01
Նիդերլանդների արտգործնախարարությունը հրապարակել է պատգամավորներից մեկի գրավոր հարցերին ԱԳ նախարար Վոպկե Հուքստրայի պատասխանները, որոնցում մի շարք կարևոր շեշտադրումներ են արված։ Այս մասին «Ֆեյսբուք»-ի իր էջում տեղեկացնում է Հոլանդահայ կազմակերպությունների ֆեդերացիան (FAON)։
Նախարարը, ըստ աղբյուրի, ընդգծել է, որ ի կատարումն Նիդերլանդների խորհրդարանի շուրջ մեկ տարի առաջ ընդունված բանաձևի՝ Նիդերլանդները ծրագրում է Եվրամիության դիտորդական առաքելության շրջանակներում հնարավորինս արագ դիտորդներ ուղարկել Հայաստան։
«ԱԳ նախարարը վերահաստատել է Նիդերլանդների կառավարության հանձնառությունը հայ զինվորականների և քաղաքացիական անձանց դեմ հանցագործությունների վերաբերյալ անկախ հետաքննություն անցկացնելու իր կոչերին, ինչպես նաև խաղաղությանը նպաստող միջոցառումներին ներդրում ունենալու հարցում։ Որպես գաղափար դիտարկվում է Անհայտ կորած անձանց հարցերով միջազգային հանձնաժողովի ծրագրերի ֆինանսավորումը»,- ասվում է հաղորդագրության մեջ։
