15.09.2026 | 10:56
Գալուզինը ԵՄ-ի՝ Հայաստանին տրված խոստումները «վերացական» է անվանել
«Սևան» և «Վարդաշեն» ՔԿՀ-ների ծառայողները կանխել են արգելված իրերի փոխանցումները
Հասարակություն
14.10.2022 | 20:24
Հոկտեմբերի 13-ին՝ ժամը 05։30-ի սահմաններում, ՀՀ ԱՆ «Սևան» քրեակատարողական հիմնարկի 4-րդ դիտաշտարակի ծառայողի կողմից ստացվել է տեղեկություն, որ 4-րդ և 5-րդ դիտաշտարակների մոտ կատարվել է ներնետում։
Այս մասին տեղեկացնում է ՀՀ քրեակատարողական ծառայությունը։
Անմիջապես իրականացված տեղազննության արդյունքում հիմնարկի բաղնիքի մասնաշենքի հետնամասում գետնին ընկած հայտնաբերվել է պոլիէթիլենային թաղանթով պարուրված կասկածելի փաթեթ։
ՀՀ քննչական կոմիտեի Կոտայքի մարզային քննչական վարչությունում փաթեթի զննությամբ հայտնաբերվել են մարիխուանա տեսակի թմրամիջոցին նմանվող, յուրահատուկ հոտով, 2․6 գրամ քաշով կանաչավուն, չոր զանգված և երկու բջջային հեռախոս՝ առանց բաժանորդային քարտի։
Նույն օրը ՀՀ ԱՆ «Վարդաշեն» քրեակատարողական հիմնարկի օպերատիվ բաժնի ծառայողները, ստացված տեղեկություններն իրացնելով, ստուգողական գործողություններ են կատարել և արդյունքում ցածր անվտանգային գոտում գտնվող լոգարանի տանիքի ծածկի տակից հայտնաբերել են թաքցրած երկու ստվարաթղթե փաթեթ և մեկ կաթոցիչ։
Երկու փաթեթներում միասին առկա է եղել ընդհանուրը 3․61 գրամ քաշով, մարիխուանա տեսակի թմրամիջոցին նմանվող, դեղնականաչավուն զանգված։
Միջադեպի մասին իրազեկվել է ՀՀ քննչական կոմիտեի Էրեբունի և Նուբարաշեն վարչական շրջանների քննչական բաժին։
