21.04.2026 | 17:45
Ադրբեջանը չի ապահովել Լեռնային Ղարաբաղի հակամարտությունից տուժած անձանց պաշտպանությունը. Amnesty International
Պուտինը հայտնել է, որ մասնակի մոբիլիզացիայի բոլոր միջոցառումները կավարտվեն 2 շաբաթվա ընթացքում
Քաղաքականություն
14.10.2022 | 20:15
Մասնակի մոբիլիզացիայի հետ կապված բոլոր միջոցառումները կավարտվեն երկու շաբաթվա ընթացքում։ Այս մասին հայտարարել է ՌԴ նախագահ Վլադիմիր Պուտինը՝ Աստանա կատարած այցից հետո պատասխանելով լրագրողների հարցերին, գրում է ՌԻԱ Նովոստին։
Նա հայտնել է, որ նախատեսված 300 հազարից 222 հազարն արդեն ուղարկվել են ստորաբաժանումներ, իսկ մոբիլիզացվածների թիվն ավելացնելու առաջարկներ ՊՆ-ից չեն ստացվել։
«Երբ այս մոբիլիզացիոն միջոցառումները սկսվեցին իրականացվել, միայն այդ ժամանակ պարզ դարձավ, թե դրանք ինչ որակի են, այս տեղեկատվական բազան այժմ թարմացվում է ժամանակակից հիմունքներով, և այն կլինի հնարավորինս հուսալի։ Ուստի կարծում եմ, որ որակը պետք է բարձրացվի, չնայած ասեմ, որ դա արդեն ավարտված է»,- ասել է Պուտինը։
ՌԴ ղեկավարը բացատրել է, թե շփման գծի երկարությունը գերազանցում է հազար կիլոմետրը, և այն հնարավոր չէ պաշտպանել միայն պայմանագրային զինծառայողների կողմից, ուստի անհրաժեշտ էր մասնակի մոբիլիզացիա հայտարարել։
Տաթև Ֆռանգյան
