27.07.2026 | 13:47
Ղազախստանը պատրաստ է ընդլայնել արդյունաբերական ապրանքների մատակարարումները Հայաստան
Պուտինն Ալիևին և Փաշինյանին հրավիրել է Ռուսաստան
Քաղաքականություն
14.10.2022 | 14:31
Ռուսաստանի նախագահ Վլադիմիր Պուտինը ԱՊՀ պետությունների ղեկավարների խորհրդի նիստում Ադրբեջանի և Հայաստանի ղեկավարներ Իլհամ Ալիևին և Նիկոլ Փաշինյանին հրավիրել է Ռուսաստան, գրում է ՏԱՍՍ-ը։
Նա հիշեցրել է, որ բազմիցս եռակողմ ձևաչափով հանդիպել է Ալիևի և Փաշինյանի հետ, իսկ նախկինում նրանք արդեն քննարկել են նոր բանակցությունների հնարավորության հարցը։
«Հաճույքով հրավիրում եմ Ադրբեջանի նախագահին և Հայաստանի վարչապետին, պետք է համաձայնեցնենք ժամկետները և հանդիպենք Ռուսաստանում՝ ցանկացած վայրում, ցանկացած ժամանակ՝ Սոչիում, Սանկտ Պետերբուրգում, Մոսկվայում»,- ասել է ՌԴ նախագահը։
Նա ընդգծել է, որ «Ռուսաստանը միշտ անկեղծորեն ձգտել է լուծել ցանկացած հակամարտություն, այդ թվում՝ Ղարաբաղին և դրան վերաբերող հարցերը»։
Տաթև Ֆռանգյան
