20.02.2026 | 18:41
Հայաստանը կարող է Ադրբեջանի և Թուրքիայի միջև էներգետիկ համագործակցության մաս դառնալ. Թուրքիայի էներգետիկայի նախարար
Արևմուտքից ոչ թե կոնկրետ առաջարկներ են հնչում, այլ երկու կողմերին աջակցելու ջանքեր են. ԱԳ փոխնախարար
Քաղաքականություն
13.10.2022 | 16:10
Հայաստանի և Ադրբեջանի միջև սահմանային լարված իրավիճակը կարգավորելու առնչությամբ Արևմուտքից ոչ թե հնչում են կոնկրետ առաջարկներ, այլ ձեռնարկվում են կողմերին աջակցելու ջանքեր: «Արմենպրես»-ի հաղորդմամբ՝ այս մասին լրագրողների հետ ճեպազրույցում ասաց ՀՀ ԱԳ փոխնախարար Պարույր Հովհաննիսյանը՝ անդրադառնալով հարցին, թե Արևմուտքից կոնկրետ ինչ առաջարկներ են հնչում:
«Արևմուտքից ոչ թե կոնկրետ առաջարկներ են հնչում, այլ ջանքեր են, որ աջակցեն երկու կողմերին»,-ասաց փոխնախարարը:
Խոսելով խաղաղության պայմանագրի համար Բաքվի ներկայացրած առաջարկներից՝ փոխնախարարը հիշեցրեց, որ հայկական կողմի համար սկզբունքային անընդունելի կետեր չկան ներկայացված առաջարկներում: «Այդ առաջարկները լիարժեք չեն, այդ պատճառով հայկական կողմը ներկայացրել է իր առաջարկները: Այս պահին ընթանում են աշխատանքներ: Գործընթացը, երկու կողմերից հաստատվել է, որ ընթանում է առանց նախապայմանների, այդ տրամաբանությունը պահպանվում է»,-ասաց Հովհաննիսյանը:
