08.08.2026 | 12:54
Հյուսիսային կիսագնդում սահմանվել է ջերմաստիճանային նոր ռեկորդ
«Yerevan Open»-ում կայացել են անդրանիկ տուրի պարտիաները
11.10.2022 | 11:18
«Երևան օփեն» շախմատային 4-րդ միջազգային մրցաշարում կայացել են անդրանիկ տուրի հանդիպումները:
«Արմենպրես»-ի հաղորդմամբ` բարձր վարկանիշ ունեցող շախմատիստներից A ենթախմբում հաղթանակ են տոնել Մոհամադ Մատին Շամսը (Իրան), Մաքսիմ Լագարդը (Ֆրանսիա), Պաուլիուս Պուլտինևիկուսը (Լիտվա):
Հայաստանի ներկայացուցիչներից մրցակցի նկատմամբ առավելության հասան Տիգրան Պետրոսյանը, Տիգրան Հարությունյանը Հովիկ Հայրապետյանը և այլոք:
«Yerevan Open» շախմատային 4-րդ միջազգային մրցաշարին այս տարի մասնակցում են 15 երկրի 292 մասնակից: Մրցաշարի մրցանակային ֆոնդը ընդհանուր առմամբ կազմում է 14 միլիոն դրամ: Օփենի ավարտին կպարգևատրվեն 1-20-րդ հորիզոնականները զբաղեցրած մասնակիցները: Ա խմբի հաղթողը կստանա 2.600.000 դրամ: «Yerevan Open» բաղկացած է 9 տուրից և կեզրափակվի հոկտեմբերի 18-ին:
