13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
«Տուն, ավտո․․․ էնտեղ ամեն ինչ ունեինք»․ Արցախից տեղահանված ընտանիքն օրվա ապրուստի խնդիր ունի․ ՏԵՍԱՆՅՈՒԹ
Հասարակություն
15.10.2022 | 13:03
Անահիտը (անունը փոխված է) 44-օրյա պատերազմի մեկնարկին հղիության 9-րդ ամսում էր, իսկ դուստրը՝ 2 տարեկան։ Քաշաթաղի Տիգրանավան համայնքում էին բնակվում։ Ամուսինը պայմանագրային զինծառայող էր։ Ընտանիքին Հայաստան է տեղափոխել, ինքն Արցախ վերադարձել։
Արդեն Հայաստանում ծնվել է ընդանիքի որդին՝ Լևոնը, որ հոկտեմբերի 16-ին 2 տարեկան կդառնա։
Հիմա աշխատանք չունի, երեխան փոքր է, ամուսինն էլ աշխատանք է փնտրում։
Ընտանիքով սկեսրոջ տանն են բնակվում՝ Այնթափում․ 10 հոգի՝ մեկ հարկի տակ։ Վարձով բնակվելու հնարավորություն չունեն։ Մինչ այսօր ստացել են թե՛ պետական աջակցություն, թե՛ մասնավոր, բայց հիմա ծանր վիճակում են, քանի դեռ ամուսինն աշխատանք չի գտել։
Ինքը Տիգրանավան էր տեղափոխվել պատերազմի մեկնարկից 1,5 տարի առաջ, ամուսնացել էր, և քանի որ ամուսինը պայմանագրային զինծառայող էր, Արցախ էին տեղափոխվել՝ Քաշաթաղի շրջան։ Հիմա ապրում են անորոշ ապագայով։ Ընտանիքի համար այս պահին առաջնայինն աշխատանքի հարցն է, որ կարողանան ընտանիքի կարիքները հոգալ։
Մանրամասները՝ տեսանյութում։
Սաթենիկ Հայրապետյան
