19.12.2025 | 21:41
Հայաստանը Ժնևում քննարկել է փախստականների խնդիրների հասցեագրման իր մոտեցումները
Ուկրաինայում վնասվել է 11 ենթակառուցվածքային օբյեկտ․ Շմիգալ
Քաղաքականություն
10.10.2022 | 16:11
ՌԴ-ն զանգվածաբար գնդակոծում է ուկրաինական քաղաքները։ Քաղաքացիական և այլ ենթակառուցվածքները հարձակման տակ են: Այս մասին հաղորդել է Ուկրաինայի վարչապետ Դենիս Շմիգալը, գրում է Korrespondent-ը։
Հաղորդվում է, որ ժամը 11:00-ի դրությամբ՝ 8 շրջաններում և Կիևում վնասվել են 11 կարևոր ենթակառուցվածքային օբյեկտներ։
«Այժմ մարզերի մի մասը հոսանքազրկվել է։ Անհրաժեշտ է պատրաստ լինել հոսանքի, ջրամատակարարման, կապի ժամանակավոր ընդհատումներին։ Այս պատերազմական հանցագործների հիմնական նպատակը խուճապ սերմանելն է, վախեցնելը, ուկրաինացիներին առանց լույսի ու ջերմության թողնելը։ Բոլոր ծառայություններն աշխատում են տեղում, մենք արագ վերականգնում ենք մեր ենթակառուցվածքը: Մենք կանենք հնարավորը՝ բոլոր օբյեկտները հնարավորինս արագ վերականգնելու համար։ Շնորհակալություն մեր փրկարարներին և բժիշկներին, ովքեր այժմ գտնվում են գնդակոծության տակ՝ փրկելով մարդկանց կյանքը: Շնորհակալություն մեր էներգետիկներին, ովքեր գնդակոծության տակ վերսկսում են սնուցել քաղաքները»,- ասված է հաղորդագրության մեջ։
Հիշեցնենք, որ երկուշաբթի առավոտյան ՌԴ-ն հարվածներ է հասցրել Ուկրաինայի քաղաքներին, առաջիններից մեկը՝ Կիևին։
Տաթև Ֆռանգյան
