27.02.2026 | 19:45
«Իրենց զոն նայող են հռչակել». կալանավորն ահազանգում է կյանքին սպառնացող վտանգի մասին․ ՏԵՍԱՆՅՈՒԹ
Գերմանիայի կիբերանվտանգության գործակալության ղեկավարը պաշտոնանկ է արվելու ՌԴ-ի հետ կապերի պատճառով․ԶԼՄ
Քաղաքականություն
10.10.2022 | 15:07
Գերմանիայում պատրաստվում են աշխատանքից հեռացնել երկրի ազգային կիբերանվտանգության գործակալության ղեկավար Արնե Շյոնբոմին Ռուսաստանի հետախուզական ծառայությունների հետ կապերի մասին տեղեկությունների տարածման ֆոնին։ Այս մասին AFP-ն հայտնել են կառավարության աղբյուրները, գրում է Al Arabiya-ն։
Նշվում է, որ ներքին գործերի նախարարությունը հայտարարել է, որ «հաղորդումներին լուրջ են վերաբերվում» և դրանք «համակողմանիորեն հետաքննում են»։ Շյոնբոմի նկատմամբ դժգոհությունն, ըստ լրատվամիջոցների, առաջացել է ZDF հեռուստաալիքի հետաքննության հրապարակումից հետո, ըստ որի՝ պաշտոնյան կարող էր կապի մեջ լինել Cyber-Sicherheitsrat Deutschland ասոցիացիայի հետ, որը լրագրողների համաձայն՝ կապված է ռուսական հատուկ ծառայությունների հետ։
Միաժամանակ նրան չեն կարող հենց այնպես հեռացնել պաշտոնից գերմանական օրենսդրության համաձայն, ուստի՝ ամենայն հավանականությամբ այլ գերատեսչություն են տեղափոխելու։
Էմմա Չոբանյան
