13.04.2026 | 22:05
«Որոշումները չեն կարող վավեր համարվել»․ ծանրամարտի ֆեդերացիան՝ ՀԱՕԿ-ի մասին
Մեղավոր ենք. Աղվան Վարդանյանը` ընդդիմության մասին․ ՏԵՍԱՆՅՈՒԹ
Քաղաքականություն
10.10.2022 | 12:11
«Ներեցեք, բայց սա մուտանտների իշխանություն է՝ մեր հոգևոր, մշակութային, բարոյական, քաղաքակրթական արժեքներից դուրս, որը ախտահարում է նաև հանրությանը։ ԱԺ-ում ճեպազրույցների ժամանակ հայտարարեց «Հայաստան» խմբակցության պատգամավոր Աղվան Վարդանյանը՝ բնորոշելով ՀՀ գործող իշխանությանը։
Վարդանյանի դիտարկմամբ՝ լուծումը մեկն է՝ մեկուսացնել, փորձել բուժել կամ հեռացնել․ «Այլապես պետական ու ազգային բոլոր ինստիտուտները ոչնչացվելու են։ Սրանց վարքը թելադրում են մեր հակառակորդները՝ ողորմելի են, արժանապատվությունից զուրկ, ամեն օր կարծիք փոխող, անուղղելի ստախոս, թուլակամ»։
Վարդանյանի խոսքով՝ պատերազմից հետո սահմանագիծն ամրացնելու փոխարեն՝ ՀՀ իշխանությունը 200 միլիոն դոլար պարգևավճար է բաժանել, տասնյակ միլիոններ ուղղել ԱԱԾ, ՊՊԾ, Ոստիկանություն, Քննչական։
Խոսելով իրենց՝ ընդդիմության մասին՝ Վարդանյանն ընդգծեց․ «Մեղավոր ենք, չենք կարողացել, փորձել ենք, անձնազոհության ենք գնացել, բայց լայն հանրային աջակցություն չենք ապահովել, ուրեմն՝ լավ չենք աշխատել, հիմա էլ դժվար որոնումների մեջ ենք, վստահ եղեք՝ չենք համակերպվելու, հեռացնելու ենք, մեղադրեք մեզ, բայց նաև մտածեք՝ դուք ի՞նչ եք արել»։
Մանրամասները՝ տեսանյութում։
