08.06.2026 | 12:24
Հայաստանի ժողովուրդը քվեարկել է խաղաղության և կայունության համար․ Անտոնիո Կոշտան շնորհավորել է Փաշինյանին
Պատերազմի շարունակման կողմնակիցները Պուտինին քննադատում են ձախողումների համար․ISW.
Քաղաքականություն
10.10.2022 | 12:12
Ղրիմի կամրջի պայթեցումը, ռուսական բանակի վերջին անհաջողությունները և «մասնակի մոբիլիզացիան» հանգեցրել են ՌԴ նախագահ Վլադիմիր Պուտինի հասցեին ուղիղ քննադատությունների ազգայնական համայնքի ներկայացուցիչների կողմից, որոնք վճռական են պատերազմը շարունակելու հարցում։ Այս մասին ուկրաինական պատերազմի հերթական ամփոփագրում նշում են Պատերազմի ուսումնասիրման ամերիկյան ինստիտուտի փորձագետները, գրում է BBC-ի ռուսական ծառայությունը։
Ըստ ամփոփագրի՝ քննադատությունը, որը կարելի է համարել աննախադեպ, վկայում է ՌԴ նախագահի կողմից Ուկրաինայում հայտարարված նպատակաները կյանքի կոչելու կարողության շուրջ կասկածների աճի մասին և կարող է խաթարել Պուտինի վարկանիշը իր հիմնական ընտրազանգվածի շրջանում։
Նշվում է, որ փետրվարի 24-ին Պուտինի հայտարարած ներխուժման նպատակները լայն արձագանք էին գտել ազգայնական համայնքում, որը պաշտպանում է Ռուսաստանի պատմական և մշակութային գերազանցության գաղափարախոսությունը, նախկին Խորհրդային Միության և Ռուսական կայսրության տարածքները վերահսկելու նրա իրավունքը: Սակայն վերջին ռազմական անհաջողությունները մի շարք ռազմական բլոգերների, փորձագետների ստիպել են կասկածել Պուտինի հավատարմությանը այդ գաղափարախոսությանը, ոմանք նույնիսկ նրան մեղադրում են դա պաշտպանելու անկարողության մեջ։
Էմմա Չոբանյան
