24.06.2026 | 17:49
ՀԱՊԿ-ից հայտարարել են, որ մանրակրկիտ կքննարկեն Հայաստանի անդամակցության հարցը
Նախարարն ընդունել է Հայաստանում Ղազախստանի դեսպանին, քննարկվել են երկու երկրների միջև առկա առևտրատնտեսական կապերը
Տնտեսություն
30.05.2018 | 12:02
ՀՀ տրասնպորտի, կապի և տեղեկատվական տեխնոլոգիաների նախարար Աշոտ Հակոբյանը հյուրընկալել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Թիմուր Ուրազաևին։
Ողջունելով դեսպանին` նախարարը շնորհակալություն է հայտնել հանդիպման նախաձեռնության համար։ Թիմուր Ուրազաևն էլ իր հերթին շնորհավորել է Աշոտ Հակոբյանին նշանակման կապակցությամբ։
Երկկողմ հանդիպման ընթացքում քննարկվել են երկու երկրների միջև առկա առևտրատնտեսական կապերը, տրանսպորտի, կապի և ՏՏ ոլորտում համագործակցության ծրագրերն ու ապագա անելիքները, այդ թվում ԵԱՏՄ համաձայնագրի շրջանակներում համատեղ արվող քայլերը։
Դեսպանը բարձր է գնահատել ԵՏՄ համագործակցության շրջանակում Հայաստանի հետ ընդհանուր ջանքերը թվայնացման գործընթացում։
Դեսպանը ներկայացրել է նաև Ղազախստանում ՏՏ ոլորտի, մասնավորապես տեխնոլոգիական ստարտափների զարգացմանն ուղղված իրենց քաղաքականությունը։ Քննարկվել են համագործակցության հնարավորություններ նաև այս ուղղությամբ։
