18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Հյուսիսային Կիպրոսում Թուրքիան հարվածային ԱԹՍ-ներ է տեղակայել
Քաղաքականություն
07.10.2022 | 19:22
Թուրքիան Հյուսիսային Կիպրոսում անօդաչու թռչող սարքեր է տեղակայել, այդ թվում՝ հարվածային։ Չեն բացառվում զենքի նոր մատկարարումները։ Այս մասին լրագրողների հետ զրույցում հայտարարել է Թուրքիայի նախագահ Ռեջեփ Թայիփ Էրդողանը, գրում է Անադոլու գործակալությունը։
Նա նշել է, որ դա Թուրքիայի իրավունքն է, և պետք է լիովին ապահովեն ինքնահռչակ Հյուսիսային Կիպրոսի Թուրքական Հանրապետության անվտանգությունը։
Էրդողանը մեկնաբանել է նաև Հյուսիսային Կիպրոսի Կարպազ թերակղզում թուրքական նոր ռազմաբազա ստեղծելու հնարավորությունը՝ նշելով, որ Կիպրոսին զենք մատակարարելու էմբարգոն հանելու՝ ԱՄՆ-ի որոշմանը Թուրքիայի առաջին արձագանքը Հյուսիսային Կիպրոսում հարվածային անօդաչու թռչող սարքերի տեղակայումն էր։
Էրդողանը նշել է, որ անկախ նրանից, թե ինչ որոշում կկայացվի ռազմաբազայի ստեղծման հարցում, Թուրքիայի ռազմաօդային ուժերի ինքնաթիռները կարող են կարճ ժամանակում հասնել կղզի։
Նա նաև պատմել է երկկողմ հանդիպում անցկացնելու՝ Կիպրոսի նախագահ Նիկոս Անաստադիասի առաջարկի մասին։
«Նիկոս Անաստասիադիսը Պրահայում պնդել է երկկողմ հանդիպման հարցում։ Անգամ միջնորդների գործի դրել։ Ի պատասխան՝ հիշեցրի, որ երկու ամսից ավարտվում է նրա պաշտոնավարման ժամկետը։ Նման իրավիճակում նման հարց չի քննարկվում։ Ես նաև նշել եմ, որ նրանք մշտապես գործում են ինչ-որ մեկի հրահանգով»,- ասել է Էրդողանը։
Էմմա Չոբանյան
