21.04.2026 | 20:43
Անցած տարվա ծնունդի նվերն է հեռուստացույցը, որը չէի կարողացել տալ. Գոհար Ղումաշյան. ՏԵՍԱՆՅՈՒԹ
Ֆինլանդիան հուսով է, որ Թուրքիան շուտ կվավերացնի ՆԱՏՕ-ին Հելսինկիի անդամակցության հայտը
Քաղաքականություն
07.10.2022 | 21:16
Ֆինլանդիայի վարչապետ Սաննա Մարինն ակնկալում է, որ Թուրքիան կհամաձայնի հնարավորինս շուտ վավերացնել ՆԱՏՕ-ին Հելսինկիի անդամակցության հայտը։ Այս մասին նա լրագրողներին ասել է ԵՄ պետությունների և կառավարությունների ղեկավարների ոչ պաշտոնական գագաթնաժողովի մեկնարկից առաջ՝ նախօրեին Թուրքիայի առաջնորդ Ռեջեփ Թայիփ Էրդողանի հետ կայացած զրույցից հետո, գրում է ՏԱՍՍ-ը։
«Իհարկե, մենք հուսով ենք, որ Թուրքիան ՆԱՏՕ-ին անդամակցության մեր դիմումը որքան հնարավոր է՝ շուտ կվավերացնի»,- ասել է Մարինը։
Նա նշել է, որ զրույցի ընթացքում Էրդողանն ասել է, որ Անկարան խնդիր չի համարում Ֆինլանդիայի գործողությունները, քանի որ երկիրը փորձում է կարգավորել իրավիճակը երկկողմ հարաբերություններում՝ դաշինքին միանալու համար։ Մարինը նաև հույս է հայտնել, որ Շվեդիան և Ֆինլանդիան միաժամանակ կմիանան ՆԱՏՕ-ին։
Հավելենք, որ ՆԱՏՕ-ի անդամ երկրներից միայն Թուրքիան ու Հունգարիան դեռևս չեն վավերացրել դաշինքին միանալու՝ Շվեդիայի և Ֆինլանդիայի դիմումը։
Էմմա Չոբանյան
