16.09.2026 | 18:55
Հայտնի է՝ ով է Սիմոնյանի նշած քրեական հեղինակությունը, որը, ըստ նրա, Հայկ Սարգսյանի ընտանիքի ընկերն է
Ռուսաստանն առաջին անգամ կամիկաձե անօդաչուներով հարվածել է Զապորոժիեին
Քաղաքականություն
07.10.2022 | 15:04
ՌԴ Զինված ուժերն արդեն երկրորդ առավոտն անընդմեջ հարվածներ են հասցնում Զապորոժիեին։ Նախորդ օրը դրանք հրթիռներ էին, այս անգամ, ըստ նախնական տեղեկությունների, իրանական «Շահիդ-136 կամիկաձե» անօդաչու թռչող սարքեր, գրում է BBC-ի ռուսական ծառայությունը։
Զապորոժիեի շրջանային վարչակազմի ղեկավար Օլեքսանդր Ստարուխը հայտնել է, որ գրոհի հետևանքով շրջկենտրոնի երկու թաղամասերում ոչնչացվել են երկու «ենթակառուցվածքային օբյեկտներ»։
Հակառակորդը, նրա խոսքով, առաջին անգամ օգտագործել է անօդաչու թռչող սարքեր, նախնական տեղեկություններով՝ դրանք «Շահիդ-136» անօդաչու թռչող սարքեր են։
Ստարուխի տեղեկացմամբ՝ մեկ մարդ վիրավորվել է, նա հոսպիտալացվել է։
Հինգշաբթի վաղ առավոտյան Զապորոժիեում հրթիռակոծության հետևանքով զոհվել էր 11 մարդ։
Տաթև Ֆռանգյան
