Կգնա՞ արդյոք Մոսկվան միջուկային հարվածի․ Euronews-ի անդրադարձը

Ուկրաինայում պատերազմի ֆոնին ավելի ու ավելի են մտավախություններ հնչում, որ Մոսկվան ունակ է միջուկային զենք կիրառել։ Նման հնարավորության մասին ակնարկել է նաեւ ՌԴ նախագահ Վլադիմիր Պուտինը։ Այն մասին, թե որքան լուրջ է սպառնալիքը, Euronews-ին տված հարցազրույցում խոսել է Զինաթափման և զենքի չտարածման ուսումնասիրության Վիեննայի կենտրոնի ավագ գիտաշխատող Նիկոլայ Սոկովը․

«Միջուկային զենքն ավելի օգտակար է, երբ այն չի օգտագործվում։ Հենց անցնեք շեմը, իրավիճակը կփոխվի, և ավելի լավ է խուսափել այս իրավիճակից։ Իրականում, թեև Մոսկվայից բազմաթիվ միջուկային պարծենկոտություններ են եղել, մենք չենք տեսել որևէ գործնական քայլ, որը կարող է ցույց տալ, որ Ռուսաստանը պատրաստվում է միջուկային զենք կիրառել:

Ավելի հավանական սցենարը միջուկային փորձարկումներն են, բայց ոչ Սև ծովում, դա անհեթեթություն կլինի: Միջուկային փորձարկումները տեղի կունենան Ռուսաստանի հյուսիսում գտնվող Նովայա Զեմլյայի սովորական փորձարկման վայրերում, Արկտիկայի տարածքում:

Արեւմուտքը պետք է մի նուրբ գիծ քաշի, որպեսզի մի կողմից լիարժեք աջակցություն ցուցաբերի Ուկրաինային, մյուս կողմից՝ ուղղակիորեն չմիջամտի պատերազմին։ ԱՄՆ նախագահ Ջո Բայդենը մինչ այս վատ չի կարողացել սա իրականացնել , և ես կարծում եմ, որ մենք այս ճգնաժամից դուրս գալու լավ հնարավորություններ ունենք առանց միջուկային զենք օգտագործելու»:

Ռուսաստանի միջուկային դոկտրինի համաձայն՝ Մոսկվան իրեն իրավունք է վերապահում օգտագործել ռազմավարական զենք՝ ի պատասխան միջուկային հարվածի, կամ երբ վտանգված է պետության գոյությունը։

Տաթև Ֆռանգյան