Քաղաքականություն
05.10.2022 | 17:02«Ես առնվազն տարակուսանք եմ ապրել, երբ կարդացել եմ այդ վերլուծությունը, որովհետև պնդումների հիմքում դրված է մի շատ թերի վարկած, թե կան բանավոր պայմանավորվածություններ: Իսկ ի՞նչ, եթե նման պայմանավորվածություններ չկան, ապա ստացվում է, որ այդ ամբողջ վերլուծությունը անտեղի անիմաստ բառերի ամբողջությո՞ւն է»,- Կառավարություն-ԱԺ հարցուպատասխանի ժամանակ պատասխանելով ՀՀ ԱԳ նախկին նախարար Վարդան Օսկանյանի վերջին վերլուծական հոդվածին վերաբերող հարցին՝ նշեց ՀՀ արտգործնախարար Արարատ Միրզոյանը:
Նա հայտարարեց, որ բանավոր պայմանավորվածություններ չկան, ինչի մասին բազմիցս հայտարարել են իշխանությունները:
«Գրված, ստորագրված հրապարակված պայմանավորվածություններից բացի այլ պայմանավորվածություներ չկան: Հայաստանն որևէ այլ պայմանավորվածությունների մաս չի կազմել և չի էլ կազմելու»,- նշեց Միրզոյանը՝ կարծիք հայտնելով, որ Օսկանյանի հոդվածում բերված մտքերն երկրորդ շերտն էլ ունեն:
«Երկրորդ շերտն ամբողջությամբ ադրբեջանական այն նարատիվ է, թե Հայաստանը բանավոր ինչ-որ բան է պարտավորվել, այն չի անում, ինչը լեգիտիմացնում է մեր ագրեսիան նրա նկատմամբ: Ես գոնե խորհուրդ կտայի պարոն Օսկանյանին և այլոց՝ այդպիսի մտքեր շրջանառելուց առաջ մի քիչ հարցի այդ ասպեկտին էլ ուշադրություն դարձնեն»,- հայտարարեց Միրզոյանը:
Նա անդրադարձավ նաև հայ-ադրբեջանական սահմանին դիտորդական առաքելություն տեղակայելու հնարավորության մասին հարցին:
«Կա համընդհանուր ընկալում, այդ թվում նաև միջազգային դերակատարների շրջանում, որ միայն ագրեսիայի հետևանքների վերացումը, օրինակ՝ ադրբեջանական զորքերի՝ Հայաստանի ինքնիշխան տարածքից դուրս բերումը, միգուցե, բավարար երաշխիքներ չստեղծեն և հավելյալ երաշխիքներ պետք լինեն, օրինակ՝ Հայաստան-Ադրբեջան սահմանին որևէ միջազգային մոնիթորինգային, դիտորդական, կամ որևէ այլ մեխանիզմի առկայություն պահանջվի: Սա ի թիվս այլ գործիքակազմի քննարկվում է միջազգային գործընկերների, նաև՝ Ադրբեջանի հետ»,- նշեց Միրզոյանը և տեղեկացրեց, որ այն շատ ակտիվ է քննարկվում:
Արտգործնախարարը հայտնեց, որ կա նաև սահմանից կողմերի զինված ուժերի հետքաշման գործիքը:
Մանրամասները՝ տեսանյութում։
