Քաղաքականություն
04.10.2022 | 17:10
Թուրքիայի պաշտպանության նախարար Հուլուսի Աքարը ժամանել է Բաքու, հայտնում են ադրբեջանական լրատվամիջոցները։ Հաղորդվում է, որ նրան օդանավակայում դիմավորել է Ադրբեջանի ՊՆ ղեկավար Զաքիր Հասանովը։ Աքարը Բաքու է ժամանել բավական մեծ պատվիրակությամբ, նրան ուղեկցում են Թուրքիայի ԶՈՒ-ի գլխավոր շտաբի պետ Յաշար Գյուլերն ու բանակային ղեկավարության այլ ներկայացուցիչներ։
Հաղորդվում է,որ արդեն տեղի են ունեցել Ադրբեջանի ու Թուրքիայի ՊՆ ղեկավարների բանակցությունները։ Նախարարները նախ հանդիպել են առանձին, ապա պատվիրակությունների ընդլայնված կազմով։ Ի դեպ, Աքարի՝ Ադրբեջան այցի մասին նախօրոք որևէ տեղեկություն չէր հաղորդվել։
Էմմա Չոբանյան
