08.06.2026 | 12:19
Էդմեն Շահբազյանի մասնակցությամբ մենամարտը լավագույնն է ճանաչվել UFC-ի մրցաշարում․ ՏԵՍԱՆՅՈՒԹ
Բժշկության ոլորտում Նոբելյան մրցանակի դափնեկիր է դարձել շվեդ կենսաբանը
Քաղաքականություն
03.10.2022 | 16:24
Ֆիզիոլոգիայի և բժշկության բնագավառում 2022 թվականի Նոբելյան մրցանակը շնորհվել է շվեդ կենսաբան Սվանտե Պաաբոյին։ Նա դարձել է անհետացած հոմինիդների գենոմի և մարդկային էվոլյուցիայի բնագավառում հայտնագործությունների դափնեկիր: Այս մասին այսօր Շվեդիայի մայրաքաղաքում հայտարարել է Ստոկհոլմի Թագավորական Կարոլինսկայի բժշկության և վիրաբուժության ինստիտուտը, որը շնորհում է այս մրցանակը, գրում է DW-ի ռուսական ծառայությունը։
Պաաբոն Շվեդիայի թագավորական գիտությունների ակադեմիայի անդամ է, ԱՄՆ Գիտությունների ազգային ակադեմիայի, Ֆրանսիայի գիտությունների ակադեմիայի և Լոնդոնի թագավորական ընկերակցության արտասահմանյան անդամ: Նրա հայրը՝ Սունե Կառլ Բերգստրոմը, նույնպես 1982 թվականին արժանացել է ֆիզիոլոգիայի և բժշկության Նոբելյան մրցանակի։
1997 թվականից մինչ օրս Սվանտե Պաաբոն աշխատում է Գերմանիայի Լայպցիգ քաղաքի Մաքս Պլանկի էվոլյուցիոն մարդաբանության ինստիտուտում։
Բժշկության ոլորտում Նոբելյան մրցանակն արդեն շնորհվել է ընդհանուր առմամբ 112 անգամ․ մինչև 2021 թվականը՝ 224 դափնեկրի:
2021 թվականին ֆիզիոլոգիայի կամ բժշկության ոլորտում Նոբելյան մրցանակը շնորհվել է ամերիկացի հետազոտողներ Դեյվիդ Ջուլիուսին և Արտեմ Պատապուտյանին։ Նրանք մրցանակի են արժանացել ընկալիչների հայտնաբերման համար, որոնք թույլ են տալիս մարդու մարմնին զգալ ջերմաստիճանը և հպումը:
Տաթև Ֆռանգյան
