03.11.2026 | 11:33
Ձեր հարցն ընդհանրապես տեղին չէ․ նախարարը՝ Ղազարյանի՝ կոռուպցիայի մեջ թաթախված լինելու մասին հարցին․ ՏԵՍԱՆՅՈՒԹ
Ռուսաստանը կարող է հարվածներ հասցնել Լեհաստանի օդանավակայաններին․ ամերիկացի սենատոր
Քաղաքականություն
03.10.2022 | 12:50
Ամերիկացի սենատոր Մարկո Ռուբիոն հայտարարել է, որ Ռուսաստանը կարող է հարվածներ հասցնել Լեհաստանի օդանավակայաններին, որոնց միջոցով ռազմական տեխնիկա է մատակարարվում Ուկրաինայի Զինված ուժերին։ Այս մասին նա հայտարարել է CNN-ի եթերում։
«Կարծում եմ՝ միանգամայն հնարավոր է, որ նա կարող է, ի վերջո, հարվածել զենքի բաշխման որոշ կետերին, որոնցով անցնում են սպսռազինության առաքումները, այդ թվում՝ Լեհաստանում», – ասել է նա:
Ռուբիոն պարզաբանել է, որ Պուտինին նման հուսահատ քայլի կարող է դրդել ռազմաճակատում իրավիճակը։
«Այժմ այն տխուր է։ Եթե Պուտինը հասկանա, որ պարտվում է Ուկրաինայում Արևմուտքից մատակարարումների պատճառով, ապա միանգամայն հնարավոր է, որ նա կարող է վերջնարդյունքում այդ կետերին հարվածներ հասցնել։ Շատ է խոսվում միջուկային հարվածների մասին, բայց ես անհանգստացած եմ ՆԱՏՕ-ի տարածքում ռուսական հնարավոր հարձակման կապակցությամբ»,- ենթադրել է քաղաքական գործիչը։
Նա ընդգծել է, որ եթե դա տեղի ունենա, ապա ՆԱՏՕ-ն ստիպված կլինի պատասխանել նման հարվածին։
Տաթև Ֆռանգյան
