16.09.2026 | 19:37
Եվրոպա լիգա․ «Արարատ-Արմենիայի» մեկնարկային կազմը «Սպարտա Պրահայի» դեմ խաղում
ԱՄՆ-ը նոր՝ 1,1 մլրդ դոլարի ռազմական օգնություն է տրամադրելու Ուկրաինային, այդ թվում՝ HIMARS համակարգեր․ Reuters
Քաղաքականություն
28.09.2022 | 13:08
ԱՄՆ-ը պատրասվում է նոր՝ 1,1 մլրդ դոլարի զենքի նոր փաթեթի օգնություն Ուկրաինային, որի մասին հայտարարվելու է շուտով։ Այս մասին հայտնում է Reuters գործակալությունը՝ վկայակոչելով ԱՄՆ պաշտոնյաներին և նշում, որ Վաշինգտոնը սպասում է Ուկրաինայում անօրինական «հանրաքվեների» արդյունքներին։
Պաշտոնյաներն անանունության պայմանով ասել են, որ օգնության մասին հայտարարվելու է առաջիկա օրերին։
Ակնկալվում է, որ դրա համար օգտագործվելու են Կոնգրեսի կողմից հատկացված Ուկրաինայի անվտանգության աջակցության նախաձեռնության (USAI) միջոցները, որը նախագահ Բայդենի վարչակազմին թույլ կտա զենք ձեռք բերել արդյունաբերությունից, այլ ոչ թե ամերիկյան զենքի առկա պաշարներից:
Տեղեկացված աղբյուրը նշել է, որ փաթեթը ներառելու է HIMARS համակարգեր, դրան ուղեկցող զինամթերք, տարբեր տեսակի անօդաչու թռչող սարքեր ու ռադարային համակարգեր, ինչպես նաև ուսուցում և տեխնիկական աջակցություն։
Միացյալ Նահանգները նաև զգուշորեն հետևում է, թե ինչպես են ռուսամետ ուժերը «հանրաքվեներ» անցկացնում Ուկրաինայի օկուպացված շրջաններում, որոնց արդյունքները շուտով կհայտարարվեն:
Վաշինգտոնը պատրաստում է Ռուսաստանի դեմ պատժամիջոցների նոր փուլ, եթե Մոսկվան այդ տարածքները միացնի հանրաքվեների արդյունքների հրապարակումից հետո։
ԱՄՆ-ն արդեն ավելի քան 15 մլրդ դոլարի ռազմական օգնություն է տրամադրել Ուկրաինային Ռուսաստանի հետ պատերազմի մեկնարկից ի վեր։
Էմմա Չոբանյան
