20.11.2024 | 20:18
Արևմուտքի հետ լարվածության ֆոնին Պուտինը դադարել է ներկայանալ հանրությանը
Երևանում նկուղների որոշակի քանակը պատրաստ չէ բնակչությանը ընդունել․ քաղաքապետարանի ներկայացուցիչ․ ՏԵՍԱՆՅՈՒԹ
Հասարակություն
22.09.2022 | 16:50
«Ինչով են տարբերվում ապաստարանները պարզագույն թաքստոցներից․ «Ի՞նչ անել օդային տագնապի ժամանակ. գործողությունների ուղեցույց՝ ԱԻՆ-ից ու քաղաքապետարանից» թեմայով ասուլիսում Երևանի քաղաքապետարանի զորահավաքային հարցերի և քաղաքացիական պաշտպանության վարչության արտակարգ իրավիճակների և քաղաքացիական պաշտպանության բաժնի պետ Հարություն Հարությունյանի պարզաբանեց․ «Ապաստարաններում կարելի է երկարաժամկետ պատսպարվել, այսինքն՝ կան անհրաժեշտ պայմաններ բնականոն կյանքն ապահովելու համար։ Ապաստարաններ կառուցված են այն հիմնարկ-ձեռնարկություններում, որոնք ռազմական դրության ժամանակ պետք է անցնեն շուրջօրյա աշխատանքային ռեժիմի։ Այնտեղ մարդիկ պատսպարվելու են օդային տագնապի ժամանակ։
Իսկ բնակչությունը հիմնականում պատսպարվում է պարզագույն թաքստոցներում։ Թաքստոց են համարվում նկուղները, հանքախորշերը, մետրոպոլիտենը, ավտոկայանատեղիները, այսինքն՝ գետնից ցածր տարածքները։
«Երևանն ունի հնարավորություն իր բնակչությանը պատսպարելու Այլ խնդիր է, որ Երևանում նկուղների որոշակի քանակը պատրաստ չէ բնակչությանը ընդունել փակ լինելու կեղտոտվածության և այլ պատճառներով,- ասաց քաղաքապետարանի ներկայացուցիչը։
Մանրամասները՝ տեսանյութում։
