06.11.2024 | 09:38
Թրամփն առայժմ առաջատար է բոլոր յոթ տատանվող նահանգներում․ CNN-ը նախնական տվյալներ է հրապարակել
Վլադիմիր Զելենսկին չի հավատում, որ միջազգային հանրությունը թույլ կտա Պուտինին միջուկային զենք կիրառել
Քաղաքականություն
21.09.2022 | 21:15
Ուկրաինայի նախագահ Վլադիմիր Զելենսկին չի հավատում, որ միջազգային հանրությունը թույլ կտա ՌԴ նախագահ Վլադիմիր Պուտինին միջուկային զենք կիրառել, սակայն չի բացառում ռիսկերը։ Այս մասին գրում է BBC-ի ռուսական ծառայությունը։
«Չեմ հավատում, որ նա կկիրառի այդ զենքը։ Չեմ հավատում, որ աշխարհը թույլ կտա նրան կիրառել այդ զենքը»,- ասել է Զելենսկին։
Նա, սակայն, հավելել է, որ ամեն դեպքում՝ վտանգը կա։
«Մենք չենք կարող այդ մարդու գլխի մեջ նայել, ռիսկեր կան։ Վաղը Պուտինը կարող է ասել՝ Ուկրաինայից բացի՝ մենք նաև ցանկանում ենք Լեհաստանի մի մասը, հակառակ դեպքում՝ միջուկային զենք կկիրառենք։ Մենք նման փոխզիջումների չենք կարող գնալ»,- ասել է Ուկրաինայի նախագահը։
Հավելենք, որ առաջիկայում սպասվում է Վլադիմիր Զելենսկիի ելույթը ՄԱԿ-ի Գլխավոր վեհաժողովում։
Տաթև Ֆռանգյան
