03.11.2026 | 18:27
Սպիտակ տունը հայտարարել է Մելանյա Թրամփի մասնակցությամբ՝ Վաշինգտոնում ՌԴ-ի և Ուկրաինայի ներկայացուցիչների հանդիպման մասին
Արմեն Գրիգորյանն ու Զասը քննարկել են ստեղծված իրավիճակում ՀԱՊԿ-ի հետագա հնարավոր միջոցառումները
Քաղաքականություն
21.09.2022 | 13:40
Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար, կազմակերպության առաքելության ղեկավար Ստանիսլավ Զասն այսօր Երևանում հանդիպել է ՀՀ Անվտանգության խորհրդի քարտուղար Արմեն Գրիգորյանին։ Այս մասին տեղեկանում ենք ՀԱՊԿ պաշտոնական կայքում հրապարակված հաղորդագրությունից։
Քննարկվել են տարածաշրջանում տիրող իրավիճակը և ստեղծված իրադրությունում ՀԱՊԿ-ի հետագա հնարավոր միջոցառումները։
Հիշեցնենք, որ սեպտեմբերի 13-ից ՀՀ ինքնիշխան տարածքի դեմ Ադրբեջանի սանձազերծած ռազմական գործողություններից հետո պաշտոնական Երևանը դիմեց ՀԱՊԿ-ին, ՄԱԿ-ի Անվտանգության խորհրդին և Ռուսաստանի Դաշնությանը։ ՀԱՊԿ-ը, որի անդամ է Հայաստանը, Երևանի աջակցության դիմումին ի պատասխան՝ մոնիթորինգային խումբ ուղակեց Հայաստան։
Խումբը շաբաթ օրը դիտարկում է իրականացրել Հայաստանի և Ադրբեջանի սահմանի մի քանի հատվածներում, սահմանին լարվածության թուլացման առաջարկներ է մշակել։
Տաթև Ֆռանգյան
