13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Բաքվից՝ Երևան. Հայաստանում է ՌԴ-ում ադրբեջանական լոբբինգի հայտնի ներկայացուցիչ Միխայիլ Շվիդկոյը
Քաղաքականություն
19.09.2022 | 22:52
ՀՀ Կրթության, գիտության, մշակույթի և սպորտի նախարար Վահրամ Դումանյանն այսօր ընդունել է Ռուսաստանի Դաշնության նախագահի՝ միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյին և ՌԴ նախագահի աշխատակազմի օտարերկրյա պետությունների հետ միջտարածաշրջանային և մշակութային կապերի վարչության պետ Իգոր Մասլովին:
Ուշագրավ է, որ Միխայիլ Շվիդկոյը ՌԴ-ում ադրբեջանական լոբբինգի հայտնի ներկայացուցիչներից է։ Նա նաև նախորդ տարի հասցրել է այցելել Արցախի գրավյալ հայկական Շուշի ռուսաստանցի քաղաքագետների, պատգամավորների, փորձագետների պատվիրակության հետ և ադրբեջանական կողմի հետ կոնֆերանս անցկացրել։
Ի դեպ, սեպտեմբերի 14-ին էլ՝ Հայաստանի դեմ ադրբեջանական ագրեսիայի օրերին, Շվիդկոյը Բաքվում էր, որտեղ հանդիպել է Ադրբեջանի ԱԳ նախարար Ջեյհուն Բայրամովին։
Էմմա Չոբանյան
