01.11.2024 | 16:18
Զապորոժիեի ԱԷԿ-ում վերականգնվել է ռեակտորից ջրի արտահոսքի պատճառ դարձած ճեղքը
Ադրբեջանը հրեշավոր պատերազմական հանցագործություններ է արել․ միջազգային քրեական դատարան հայց պետք է ներկայացնել․ Սոսի Թաթիկյան․ ՏԵՍԱՆՅՈՒԹ
Քաղաքականություն
19.09.2022 | 21:17
«Հայաստանը պետք է դիմի Միջազգային քրեական դատարան՝ Ադրբեջանի ռազմական հանցագործություններին իրավական գնահատական տալու հայցով»,- Factor TV-ին տված հարցազրույցում ասում է միջազգային հարաբերությունների և անվտանգության հարցերի մասնագետ Սոսի Թաթիկյանը։
Բայց գոյություն ունեն օրենսդրական և սահմանադրական արգելքներ, որոնք հաղթահարելու նպատակով, ըստ փորձագետի, Հայաստանը պետք է վավերացնի «Հռոմի կանոնադրությունը», որպեսզի Միջազգային քրեական դատարանի իրավասությունն ընդունվի։
«Դա անհրաժեշտ է անել հնարավորինս արագ՝ այս մի քանի օրվա ընթացքում, որովհետև այս վերջին ներխուժման ընթացքում Ադրբեջանն այնպիսի հրեշավոր պատերազմական հանցագործություններ է գործել՝ կանանց խոշտանգել ու անդամահատել են, որոնց հստակ ապացույցները կան տեսանյութերով, արդեն սկսում են մեծ սկանդալ առաջացնել աշխարհում։ Նույնիսկ թուրք փորձագետները, որոնք Իսլամական պետության կողմից եզդի կանանց խոշտանգումներն են արձանագրել և ուսումնասիրել, ասում են, որ իրենք այդպիսի բան չեն տեսել»,- ասաց Սոսի Թաթիկյանը։
Հարցազրույցն ամբողջությամբ՝ տեսանյութում։
Ռոբերտ Անանյան
