16.09.2026 | 14:42
Թբիլիսիում տեղի է ունեցել Trump Tower նախագծի շնորհանդեսը
ՌԴ փոխվարչապետ Ալեքսեյ Օվերչուկը Երևանում է
18.09.2022 | 17:29
Ռուսաստանը նպատակ ունի զարգացնել կապերը Հայաստանի հետ և գործնականում լուծել տնտեսական խնդիրները, սրանք միայն գեղեցիկ խոսքեր չեն։ Այս մասին կիրակի ՏԱՍՍ-ին հայտնել է Ռուսաստանի Դաշնության փոխվարչապետ Ալեքսեյ Օվերչուկը, որի գլխավորությամբ ռուսական պատվիրակությունը ժամանել է Երևան՝ մասնակցելու Ռուս-հայկական IX միջտարածաշրջանային համաժողովին։
«Մենք այստեղ ենք եկել նման ներկայացուցչական պատվիրակությամբ՝ ընդգծելու Հայաստանի հետ մեր պատմական մտերմությունը և մեր ժողովուրդների ու տնտեսությունների միջև կապերը զարգացնելու և ամրապնդելու ցանկությունը։ Սա իններորդ ֆորումն է, այն ընթանում է մեր երկրների համար դժվարին պահին։ Խնդիրը Ռուսաստանի և Հայաստանի առջև ծառացած տնտեսական խնդիրների գործնական լուծումն է։ Սրանք գեղեցիկ խոսքեր չեն, տեսություն և խոստումներ չեն, այլ իրական աշխատանք՝ ի շահ մեր երկրների ժողովրդի»,- նշել է ՌԴ փոխվարչապետը։
Նա հավելել է, որ կողմերը հետևողականորեն և անընդհատ աշխատում են «բոլոր մակարդակներում՝ Ռուսաստանի և Հայաստանի մարզերում, գործարար և փորձագիտական համայնքներում, պետական կառույցներում»։
Հավելենք, որ սեպտեմբերի 19-ին Երեւանում կբացվի Ռուս-հայկական IX միջտարածաշրջանային համաժողովը։
