16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Կրեմլում փաստել են՝ Հայաստանի և Ադրբեջանի միջև «լարվածությունը պահպանվում է»
Քաղաքականություն
14.09.2022 | 15:06
Հայաստանի և Ադրբեջանի սահմանին լարվածությունը դեռ պահպանվում է։ Այս մասին հայտարարել է ՌԴ նախագահի խոսնակ Դմիտրի Պեսկովը, փոխանցում է ՏԱՍՍ-ը։
Կրեմլի ներկայացուցիչը հիշեցրել է նախօրեին ընդունված որոշումը՝ ՀԱՊԿ առաքելություն ուղարկել սահման՝ կազմակերպության գլխավոր քարտուղար Ստանիսլավ Զասի գլխավորությամբ։
«Նրանք պետությունների ղեկավարներին զեկույց կներկայացնեն, որը կքննարկվի»,- հավելել է Պեսկովը։
Հիշեցնենք՝ երեքշաբթի ՀԱՊԿ խորհուրդը տեսակոնֆերանսի միջոցով անցկացված արտահերթ նիստում որոշել է կազմակերպության առաքելություն ուղարկել Հայաստան՝ գնահատելու իրավիճակը հայ-ադրբեջանական սահմանին սրման հետ կապված։ Հաղորդվում է, որ առաքելության կազմում պետք է լինեն ՀԱՊԿ գլխավոր քարտուղար Ստանիսլավ Զասը, ՀԱՊԿ միացյալ շտաբի ղեկավար, գեներալ-գնդապետ Անատոլի Սիդորովը և կազմակերպության անդամ երկրների ներկայացուցիչներ։
Տաթև Ֆռանգյան
