Քաղաքականություն
14.09.2022 | 12:45Վարչապետը երեկ ԱԺ-ում խոսեց Ադրբեջան պահանջներից, թե Բրյուսելում ինչ է քննարկվել, ինչ նորանոր հարցեր են բացվում, որոնց Հայաստանը բավարարել ոչ մի կերպ չի կարող, ներառյալ միջանցքի հարցը: Այս մասին այսօր՝ սեպտեմբերի 14-ին, ԱԺ-ում լրագրողների հետ զրույցում նշեց ՀՀ ազգային ժողովի Եվրոպական ինտեգրման հարցերի մշտական հանձնաժողովի նախագահ Արման Եղոյանը:
«Վարչապետը նաև Նռնաձորի անունը տվեց, Երևանի անունը տվեց: Իրենց պահանջները մաքսիմալիստական են և դրանք միայն իրենց պահանջները չեն: Նկատի ունեմ իրենցից խոշոր տարածաշրջանային խաղացողներին»,- նշեց պատգամավորը:
«Դուք ինչո՞ւ հաշվի չեք առնում, թե որն էր Ադրբեջանի նպատակը սեպտեմբերի 13-ի գիշերը, և արդյոք իրենք հասել են իրենց նպատակին թե ոչ։ Զանգեզուրի միջանցքը վերցնելը նպատակներից մեկն էր: Դա հայտարարված նպատակ է, վերլուծության կարիք չունի: Բայց միայն դա չէ, սա ընդհանրապես դիվերսիա է հայկական պետականության դեմ, ինքնիշխանության դեմ: Բոլոր առումներով իրենց նպատակն ավելին էր, քան հիմա ունեն»,-ասաց Եղոյանը։
Մանրամասները՝ տեսանյութում։
