10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Կան բերման ենթարկված անձինք. ԱԱԾ պետը՝ կոռուպցիոն շղթայով հարստացած անձանց բացահայտումների մասին
Հասարակություն
24.05.2018 | 12:11
ՀՀ ազգային անվտանգության ծառայությունը մայիսի 23-ից սկսել է ակտիվ գործողություններ և առաջիկա օրերին կլինեն հրապարակումներ: Այս մասին այսօր կառավարության նիստից առաջ լրագրողների հետ զրույցում հայտարարեց ԱԱԾ տնօրենը՝ անդրադառնալով կոռուպցիոն շղթայով հարստացած անձանց բացահայտումների մասին օրեր առաջ արած իր հայտարարությանը:
«Նախնական օպերատիվ տվյալները հաստատվել են: Կան հրավիրված, բերման ենթարկված անձինք, աշխատանքները կատարվում են, և առաջիկա օրերին հանրությունը կտեղեկացվի այդ մասին: Դա բարդ և մեծածավալ աշխատանք է, որը մենք ամբողջ ծավալով իրականացնում ենք: Պետք է այնպես անենք, որ ոչ մեկի մոտ այդ ամենի հետ կապված հարցեր չառաջանան»,- հայտնեց ԱԱԾ պետը:
Ինչ վերաբերում է մամուլում տարածված տեղեկությանը, թե նյութեր են նախապատրաստվում Երևանի քաղաքապետ Տարոն Մարգարյանի դեմ, ԱԱԾ տնօրենը պատասխանեց. «Նման բան չունենք, որ Տարոն Մարգարյանի կամ այլ պաշտոնյայի նկատմամբ նպատակային նյութեր են նախապատրաստվում: Մենք նպատակային նյութեր ոչ մեկի նկատմամբ չենք նախապատրաստում: Կատարում ենք մեր աշխատանքը, և եթե աշխատանքի ընթացքում հայտնի են դառնում տվյալներ, որոնք վկայում են այս կամ այն անձի անօրինական գործունեության մասին, կատարում եք օրենքով վերապահված գործառույթները»,- հավելեց Արթուր Վանեցյանը:
