16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Մակրոնն ու Պուտինը հեռախոսազրույց են ունեցել
Քաղաքականություն
11.09.2022 | 19:36
Ռուսաստանի նախագահ Վլադիմիր Պուտինը հեռախոսազրույց է ունեցել Ֆրանսիայի նախագահ Էմանուել Մակրոնի հետ, որի ընթացքում կողմերը հատուկ ուշադրություն են դարձրել Զապորոժիեի ԱԷԿ-ում տիրող իրավիճակին, հայտնել է Կրեմլի մամուլի ծառայությունը:
Մակրոնը հիշեցրել է, որ ռուսական զորքերի կողմից Զապորոժիեի ատոմակայանի գրավումը վտանգներ է առաջացրել դրա ամբողջականության համար, ասվում է Ելիսեյան պալատի հայտարարության մեջ։ Մակրոնը Մոսկվային հորդորել է ծանր և թեթև սպառազինությունը դուրս բերել Զապորոժիեի ԱԷԿ-ից և կատարել Ատոմային էներգիայի միջազգային գործակալության (ՄԱԳԱՏԷ) հանձնարարականները օբյեկտի անվտանգությունն ապահովելու համար:
Նախագահները փոխադարձ պատրաստակամություն են հայտնել չքաղաքականացված փոխգործակցություն ծավալել ՄԱԳԱՏԷ-ի մասնակցությամբ Զապորոժիեի ԱԷԿ-ի շուրջ ստեղծված իրադրության շուրջ:
Ինչ վերաբերում է պարենային գործարքին, ապա երկու առաջնորդներն էլ համակարծիք են եղել, որ Սևծովյան նավահանգիստներից հացահատիկը պետք է առաջին հերթին ուղղվի զարգացող երկրներ:
Հիշեցնենք՝ նախօրեին Էմանուել Մակրոնը հեռախոսազրույց էր ունեցել Ուկրաինայի նախագահ Վլադիմիր Զելենսկու հետ։
