16.09.2026 | 21:56
Հնդկաստանի նորանշանակ դեսպանը իր հավատարմագրերի պատճենն է հանձնել Հայաստանի ԱԳՄԱ նախարարի տեղակալին
Ուկրաինային և նրա կողմնակիցներին դաժան ձմեռ է սպասվում․ ՆԱՏՕ-ի գլխավոր քարտուղար
Քաղաքականություն
09.09.2022 | 19:52
ՆԱՏՕ-ի գլխավոր քարտուղար Յենս Ստոլտենբերգը նախազգուշացրել է, որ առաջիկա ամիսներին Ուկրաինային և նրա կողմնակիցներին սպասվում է դաժան ձմեռ։ Բայց նա արևմտյան երկրների հանրությանը հորդորել է հավատալ իր ջանքերին՝ ասելով, որ պատերազմը հասել է շրջադարձային կետի, երբ Ռուսաստանը կորցնում է որոշ տարածքներ:
«Մենք պետք է գոնե պատրաստվենք այս ձմռանը, քանի որ ոչ մի նշան չկա, որ Ռուսաստանը կհրաժարվի Ուկրաինան վերահսկողության տակ վերցնելու իր նպատակից»,- Գերմանիայի Ռամշտայն քաղաքում ԱՄՆ-ի գլխավորությամբ Ուկրաինայի կողմնակիցների հանդիպման շրջանակում ասել է Ստոլտենբերգը Associated Press-ին։
«Ուկրաինայի պատերազմը մոտենում է շրջադարձային կետի, երբ մենք տեսնում ենք, որ ռուսական հարձակումը Դոնբասում փակուղի է մտել: Մենք տեսնում ենք, որ ուկրաինացիները կարողանում են հակահարված տալ և հետ նվաճել իրենց տարածքի մի մասը»,- ասել է նա։
Տաթև Ֆռանգյան
